Анна Данилина әлемдік рейтингіде 19-орынға көтерілді

АСТАНА. KAZINFORM – Әйелдер теннисі қауымдастығы (WTA) жекелей және жұптық сында жаңартылған рейтингіні жария етті.

анна данилина
Фото: ktf.kz

Жекелей сында алғашқы үштікте ешқандай өзгеріс жоқ. Беларусь өкілі Арина Соболенко көш бастаса, поляк қызы Ига Швентек екінші, америкалық Кори Гауфф үшінші орында тұр.

Қазақстанның бірінші ракеткасы Елена Рыбакина 5-сатыда қалса, Юлия Путинцева 20-дан 21-ге төмендеді.

Жұптық сында чехиялық Катержина Синякова, жаңазеландиялық Эрин Рутлифф және америкалық Тейлор Таунсенд (США) көштің алдында келеді.

Өткен аптада Линц (Аустрия) WTA 500 турнирінің жартылай финалына дейін жеткен Анна Данилина 20-дан 19-орынға көтерілді. Ю.Путинцева 104-тен 107-ге, Жібек Құламбаева 156-дан 160-қа сырғыды.

Еске сала кетейік, бұдан бұрын теннистен Дэвис кубогында Қазақстанның Пәкістан құрамасын ұтқанын жазған едік.

Теннисші Александр Недовесов ұлттық құрамадағы мансабын аяқтады.

Әбу-Даби турнирінде Рыбакина мен Путинцева бақ сынайды.

Ю.Путинцева Әбу-Дабиде чехиялық Линда Носковамен бірге жұптық сында да өнер көрсетеді. 

 

 

 

Соңғы жаңалықтар