Еліміздің қоймаларында қанша көмір бар
АСТАНА. KAZINFORM - 2024-2025 жылыту маусымы тұрақты, коммуналдық-тұрмыстық секторға және халыққа көмір жеткізу жоспарлы режимде өтіп жатыр.
ҚР Өнеркәсіп және құрылыс министрлігінің баспасөз қызметінің хабарлауынша, 2025 жылғы 12 наурызға шамамен 7,84 млн. тонна көмір жеткізілді. Жылдық жоспар 99,7%-ға орындалды.
Елдің көмір тұйықтарындағы отын қоры шамамен 442,4 мың тонна түрлі маркалы көмірді құрайды.
ҚР Өнеркәсіп және құрылыс министрлігі жанынан жергілікті атқарушы органдармен, «Қазақстан темір жолы» ҰК» АҚ және көмір өндіруші кәсіпорындармен бірлесіп халықты және коммуналдық-тұрмыстық секторды көмірмен қамтамасыз ету жөніндегі штаб отырысы күн сайын өткізіледі.
Өңірлерге көмірді тиеуді қамтамасыз ету, теміржол тұйықтары мен қоймаларында көмір қорларының болуы, жолда тиелген және келетін вагондардың саны, тұтынушыларға көмір өндіру және тасымалдау бойынша проблемалық мәселелерді шешу бойынша мониторинг жүргізіледі.
Өңірлерде көмір бағасының мониторингі жүзеге асырылады. Көмірдің құны өткен жылыту маусымы деңгейінде сақталды.
Өңірлерді көмірмен қамтамасыз ету ҚР Өнеркәсіп және құрылыс министрлігінің ерекше бақылауында.
Осыған дейін Қазақстандағы мұнай, газ, көмір, уран, литий және алтынның бағасы туралы жазған едік.
