Елордада қатты желден «Рухани жаңғыру» символы құлап қалды

АСТАНА. KAZINFORM — Астана халықаралық әуежайы аумағында орналасқан «Рухани жаңғыру» символы объектісі желден құлап қалды.

«Сәулет объектісі қатты желдің әсерінен құлаған. Қазір мердігер ұйым қайта орнату жұмысын жүргізіп жатыр. Зардап шеккендер жоқ», — деп хабарлады Астана қаласы Есіл ауданының әкімдігі. 

Айта кетейік, бүгін Астана халықаралық әуежайында 20 шақты рейс кешігіп жатыр.  

Сондай-ақ, елордада тәулік ішінде 250-ден астам жол апаты тіркелген.  

Еске сала кетейік, Астанада боранға байланысты барлық қызмет түрі күшейтілген режимге көшірілді.