Израиль Түркиядағы дипломаттарын қайтарып жатыр

Израиль Сыртқы істер министрі Эли Коэн Түркиядағы дипломаттарын кері қайтару туралы шешім қабылдағанын мәлімдеді. Kazinform бұл туралы BBC-ге сілтеме жасап хабарлайды.

28 қазан күні кешке Түркия президенті Режеп Тайип Ердоған Ыстанбұлда палестиналықтарды қолдауға бағытталған және миллионнан астам адам қатысқан митингіде сөз сөйлеген болатын. Ол Израиль премьер-министрі Беньямин Нетаньяхуды террорист деп атап, Израильді басқыншылық үшін кінәлап, батыс елдерін палестиналықтарды жаппай өлтірді деп айыптады.

«Түркияның мәлімдемелерін ескере отырып, мен Израиль мен Түркия арасындағы қарым-қатынасты қайта бағалау үшін сол жерде орналасқан дипломатия өкілдерін қайтаруды бұйырдым», - деп жазды Эли Коэн X желісінде (бұрынғы Twitter).

Айта кетейік, Ыстанбұлда бірнеше жыл бұрын жабылған Ататүрік әуежайы аумағында көптеген адамдардың қатысуымен Палестинаны қолдау үшін санкцияланған ауқымды митинг өтті. Оған Түркияның жоғары лауазымды тұлғалары, шенеуніктері мен ірі кәсіпкерлері қатысты және Ыстанбұлға Палестина және Түркия туын ұстаған адамдар жиналды.

Given the grave statements coming from Turkey, I have ordered the return of diplomatic representatives there in order to conduct a reevaluation of the relations between Israel and Turkey.

— אלי כהן | Eli Cohen (@elicoh1) October 28, 2023