Қысқы Азия ойындарын қабылдайтын жарыс алаңдары мен ареналар дайын
БЕЙЖІҢ. KAZINFORM – 2025 жылы Харбин қаласында өтетін IX Қысқы Азия ойындарының жарыс алаңдары мен ареналарды жаңарту жұмыстары аяқталды.
«Жэньминь жибао» басылымының хабарлауынша, Харбин қаласындағы мұз спорты өтетін 5 арена және Ябули тау шаңғысы курортында қар спорты өтетін 8 жарыс алаңының жаңғырту жұмыстары толық аяқталып, сынақ кезеңіне өтті.
Ұйымдастыру комитеті келесі жылдың қаңтарына дейін жабдықтар мен құралдарды, аумақтық қамтамасыз етуді, командалық-диспетчерлік және т. б. сынақтан өткізу бойынша 14 сынақ жаттығуларын өткізуді жоспарлап отыр.
Ұйымдастыру комитетінің айтуынша, жарыс өтетін барлық арена мен алаңды, қолданыстағы нысандарды жаңартып, энергияны үнемдейтін және экологиялық таза материалдар мен жасыл және төмен көміртекті технологиялар пайдаланылады.
Айта кетерлігі, қысқы Азия ойындары өтетін Ябули тау шаңғысы курортында теміржол инфрақұрылымын жаңарту жұмыстары аяқталды.
Бұған дейін хабарлағанымыздай, 2025 жылы Харбин қаласында өтетін дүбірлі дода тарихта ең көп ел қатысқан қысқы Азияданың бірі болмақ.
Сонымен қатар ҰОК өкілдері Харбин қаласында өткен қысқы Азия ойындарына дайындық семинарына қатысқан еді.
