Қызылорда облысында жыл басынан бері 100-ге жуық өрт оқиғасы тіркелген

ҚЫЗЫЛОРДА. KAZINFORM – Жыл басынан бері Қызылорда облысында 100-ге тарта өрт оқиғасы болған. Тілсіз жаудан 2 адам көз жұмды. 

Өрттен жәбірленушілерге 32 миллион теңге көлемінде материалдық шығын келген. 

– Өкінішке қарай өткен 3 айда 2 адам қаза тауып, 8 адам жарақат алды. 2024 жылдың осы кезеңімен салыстырғанда қаза тапқандар саны 30%-ға азайған. Алайда жараланғандар саны керісінше көбейіп отыр. Өрт оқиғасы да 4%-ға өсті, - деді облыстық төтенше жағдайлар департаменті мемлекеттік өрт бақылау басқармасының бастығы Асхат Оразбеков. 

Былтыр мемлекеттік орман қорына қарасты 69 гектар аумақта 14 өрт оқиғасы тіркелді. Жалпы, Қызылорда облысындағы мемлекеттік орман қоры жерінің жалпы көлемі 7 млн гектар болса, оның 3,8 млн гектары – орманды алқаптар. 

Жыл басында Жетісу облысында жылыту маусымы басталғалы 101 өрт оқиғасы болғанын жазған едік.