ҚПЛ-2024: «Тобыл» турнир кестесінде бірінші орынға көтерілді

АСТАНА. KAZINFORM - Футболдан Қазақстан Премьер-лигасының екінші турында қостанайлық «Тобыл» Семейдің «Елімайын» жеңіп кетті.

Кездесу барысында семейлік клуб жылдам гол соқты. Оны Ндип Тамб Робер 1-минутта өзінің еншісіне жазса, одан кейін қостанайлық клубтан Игор Иванович 26-минутта таразы басын теңестіріп кетті.

Ал 30-минутта Евгений Шахов «Тобылды» алға шығарса, семейлік клубтан Алвеш Дос Сантос Роджерионың 52-минутта голынан кейін тағы да есеп теңесті.

Қостанайлық клубтан Купер Годберг Барри 72; Еркін Тапалов 91-минутта қос гол соғып, қорытынды есепте белгіледі.

Осылайша «Тобыл» 4:2 есебімен басым түсіп, екінші ойын қатарынан жеңіске жетті. Нәтижесінде турнир кестесінде бірінші орынға көтерілді.

Енді «Тобыл» 31 наурызда сырт алаңда Петропавлдың «Қызылжарымен» кездессе, сол күні «Елімай» «Астанамен» ойнайды.

Айта кетсек, бүгін өз алаңында Қызылорданың «Қайсары» Петропавлдың «Қызылжарына» 0:3 есебімен есе жіберсе, «Атырау» мен «Ордабасы» 1:1 есебіне қанағат білдірді.

Енді 7 наурыздa «Жеңіс» (Астана) пен «Шахтер» (Қарағанды), «Тұран» (Түркістан) мен «Қайрат» (Алматы) шеберлік байқасады.

Сондай-ақ, 5 наурызда «Астана» «Жетісудан» 2:0 есебімен басым түсті.