ІІ өңіраралық ынтымақтастық форумы: Қазақстан мен Қырғызстан қандай құжаттарға қол қойды
АСТАНА. KAZINFORM — Бішкекте Қазақстан мен Қырғызстанның II өңіраралық ынтымақтастық форумы өтіп жатыр. Жиын барысында өңіраралық, ведомствоаралық және іскерлік әріптестік жөніндегі 14 құжатқа қол қойылды, деп хабарлайды Kazinform агенттігінің Бішкектегі меншікті тілшісі.
Форумға Қазақстан Премьер-министрі Олжас Бектенов пен Қырғыз Республикасының Министрлер кабинетінің төрағасы – Президент Әкімшілігінің басшысы Әділбек Қасымалиев тең төрағалық етіп отыр.
Өңіраралық ынтымақтастық бойынша мынадай құжаттарға қол қойылды:
* Қазақстанның Шығыс Қазақстан облысы әкімдігі мен Қырғыз Республикасы Президентінің Ыстықкөл облысындағы өкілетті өкілінің аппараты арасындағы ынтымақтастық туралы меморандум.
Қазақстанның Ақмола облысындағы Щучинск-Бурабай курорттық аймағы мен Қырғыз Республикасының Ыстықкөл облысындағы Ыстықкөл курорттық аймағы арасында бауырластық байланыс орнату және ынтымақтастықты дамыту туралы келісім.
* Қазақстанның Алматы облысы мен Қырғыз Республикасы Президентінің Жалал-Абад облысындағы өкілетті өкілі аппараты арасындағы өзара түсіністік туралы меморандум.
* Қазақстанның Қызылорда облысы мен Қырғыз Республикасы Президентінің Жалал-Абад облысындағы өкілетті өкілі аппараты арасындағы өзара түсіністік туралы меморандум.
* Қазақстанның Қарағанды облысы мен Қырғыз Республикасы Президентінің Жалал-Абад облысындағы өкілетті өкілі аппараты арасындағы өзара түсіністік туралы меморандум.
* Қазақстанның Жетісу облысының әкімдігі мен Қырғыз Республикасы Президентінің Нарын облысындағы өкілетті өкілі аппараты арасындағы ынтымақтастық туралы меморандум.
* Алматы қаласының әкімдігі мен Бішкек қаласының әкімдігі арасындағы 1997 жылғы 12 желтоқсандағы бауырластық байланыс орнату туралы келісімді іске асыру жөніндегі 2026-2030 жылдарға арналған іс-шаралар жоспары.
• Түркістан қаласы мен Қырғызстанның Жалал-Абад облысындағы Манас қаласы арасында бауырластық байланыс орнату туралы меморандум.
Денсаулық сақтау саласында мынадай құжатқа қол қойылды:
* Қазақстан мен Қырғызстанның Денсаулық сақтау министрліктері арасындағы дәрілік заттар мен медициналық бұйымдарды мемлекетаралық сатып алу жөніндегі ынтымақтастық туралы келісім.
Іскерлік ынтымақтастық бағытында мынадай құжаттарға қол қойылды:
* Қазақстандық «Добрые Традиции» компаниясы мен Қырғызстанның «Прод Импекс» ЖШҚ арасындағы консервіленген өнімдерді жеткізу туралы келісімшарт.
* Қазақстандық «Добрые Традиции» ЖШС мен Қырғызстанның «Алайку Органикс» ЖШҚ арасындағы ұлттық сусындарды жеткізу жөніндегі дистрибьюторлық келісім.
* Қазақстанның «Satu Company» ЖШС мен Қырғызстанның «Алайку Органикс» ЖШҚ арасындағы ұлттық сусындарды жеткізу жөніндегі дистрибьюторлық келісім.
* Қазақстанның «Астана Моторс» компаниясы мен Қырғызстанның «Траст Технолоджис» ЖШҚ (IVOX Group) компаниясы арасындағы қазақстандық өндірістің коммерциялық және арнайы техникасын Қырғызстан нарығында ілгерілету жөніндегі ынтымақтастық туралы келісім.
* Қазақстандық GT OilService компаниясы мен Қырғызстанның «Tan Auto» ЖШҚ арасындағы FerTurino мотор майын Қырғызстан нарығында ілгерілету жөніндегі ынтымақтастық туралы меморандум.
Еске сала кетейік, Қазақстан Премьер-министрі Олжас Бектеновтің ресми сапармен Қырғызстанға барғанын хабарлаған болатынбыз.
Сонымен қатар Бішкекте Қазақстан мен Қырғызстанның II өңіраралық жиыны басталғанын жазған едік.
Бұдан бөлек Қазақстан мен Қырғызстан сауда көлемін 3 млрд долларға жеткізуді көздейтінін хабарлаған болатынбыз.
