Тараз бен Шымкентте 2 баллдық жер сілкінісі сезілді

АСТАНА. KAZINFORM – ТЖМ «Сейсмологиялық зерттеу институты» ЖШС сейсмикалық станциялар желісінде 6 желтоқсан күні Астана уақытымен 2 сағат 04 минутта жер сілкінісі тіркелді.

Жер сілкінісінің ошағы Өзбекстан аумағында, Алматы қаласынан оңтүстік-батысқа қарай 565 шақырым қашықтықта орналасқан.

Дүмпу Тараз және Шымкент қалаларында 2 балл шамасында сезілген.

Зардап шеккендер мен қираулар туралы мәлімет түскен жоқ.

ТЖМ тұрғындарға жер сілкінісі кезіндегі қауіпсіздікке бағытталған мына 10 қарапайым қадамды есте сақтауды ескертеді:

• Жер дүмпуі кезінде үрейленбеңіз;
• Жер сілкіну кезінде лифт пен баспалдақты қолданбаңыз;
• Жиhаздан, терезеден қашық тұрыңыз;
• Жасырынатын жерді табыңыз, жоғарғы қабаттарда негізгі іргелі қабырғалардың бұрышынан орын алып жасырыныңыз;
• Ғимараттан шығыңыз (төменгі қабаттарда), көп қабатты үйлерде жер сілкінісі аяқталған соң ғимараттан шығыңыз;
• Кетер алдында суды, газды, электр қуатын мүмкіндігіңізше өшіріңіз;
• Дабыл жол сөмкесін алыңыз (алдын ала дайындап қою қажет);
• Электр желілерінен, ғимараттардан, ағаштардан аулақ болыңыз;
• Жер сілкінуіне дайын болыңыз;
• Қарт адамдарға, балаларға, мүмкіндігі шектеулі адамдарға көмек көрсетіңіз.

Айта кетейік, жақында ғана Алматыда жер сілкінді.