Тоқаев пен Мирзиёев «Ташкент-Хумо» әуежайында әңгімелесті

ТАШКЕНТ. KAZINFORM — Мемлекеттер басшылары «Ташкент-Хумо» әуежайында әңгімелескені мәлім болды. Бұл туралы Ақорданың баспасөз қызметі хабарлады.

Қасым-Жомарт Тоқаев пен Шавкат Мирзиёев қазақ-өзбек стратегиялық серіктестігі мен одақтастығын одан әрі тереңдету жөнінде пікір алмасты.

Фото: Ақорда

Айта кетейік, бұдан бұрын Қасым-Жомарт Тоқаев Өзбекстан Президенті Шавкат Мирзиёевтің шақыруымен Ташкентке мемлекеттік сапармен барғаны хабарланды.

Сонымен қатар Президент Қасым-Жомарт Тоқаевты ресми қарсы алу рәсімі өткенін жазған едік.