Түркияда арандатушылық мақсатында әлеуметтік желіде жалған ақпарат таратқан 37 адам ұсталды
АСТАНА. KAZINFORM – Түркияда Ыстамбұл мэрі Экрем Имамоглу тұтқындалған кезде арандатушылық мақсатында әлеуметтік желілерде жалған ақпарат таратқан 37 адам ұсталды.
Бұл туралы Түркияның ішкі істер министрі Али Йерликая мәлімдеді, деп хабарлайды HaberGlobal.
Оның айтуынша, барлығы 261 акаунттан оқиғаға қатысты хабар таратылған, оның 62-сі шетелден басқарылған.
– 37 адам ұсталды, арандатушылыққа қатысы бар қалғандардың тұрған жерін анықтау жұмыстары жүргізілуде. Аккаунттардың 66 пайызы жеке, 34 пайызы боттар, – деді Ерликая.
Айта кетейік, Ердоғанның басты қарсыласын тұтқындауға ордер берілген болатын.
Ыстанбұл қаласының мэрі Экрем Имамоглу мен оның баспасөз кеңесшісі Мұрат Онгун арнайы операция кезінде тұтқындалды.
Түркия билігі Ыстамбұл мэрі ұсталғаннан кейін шеруге шығуға тыйым салды.
