ҰҚК: Желіде терроризмді насихаттады деген күдікпен 4 қазақстандық ұсталды
АСТАНА. KAZINFORM — ҰҚК Алматы, Шымкент қалаларында және Түркістан облысында діни радикалдардың заңсыз әрекетіне тосқауыл қойды.
2025 жылғы 17 ақпанда ҰҚК прокуратура органдарының үйлестіруімен, полицияның көмегімен Алматы, Шымкент қалаларында және Түркістан облысында діни радикалдар әрекетінің жолын кесті.
— Терроризмді, соның ішінде әлеуметтік желілер арқылы насихаттады деген күдікпен 4 қазақстандық ұсталды. Олардың тұрғылықты жерлерін тінту барысында заттай дәлелдемелер тәркіленді. Қылмыстық кодекстің 256-бабы бойынша сотқа дейінгі тергеп-тексеру жүргізілуде. Қылмыстық-процестік кодекстің 201-бабының 1-бөлігіне сәйкес өзге ақпарат жария етуге жатпайды, — деп атап өтті ведомствоның баспасөз қызметі.
Осыған дейін Жамбыл облысында діни радикалдар тобының 11 мүшесі ұсталғанын жазған едік.
