– 16 қарашада Қарағанды, Теміртау, Өскемен, Семей, Павлодар, Астана, күндіз Талдықорған қалаларында атмосферада ластаушы заттардың жиналуына қолайлы метеорологиялық жағдайлар күтіледі, – делінген хабарламада.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
Айта кетейік, Қарағанды облысында экологиялық ахуал күрделі, аймақта ауаға 293,7 мың тонна зиянды зат тараған.
Ал Солтүстік Қазақстан облысында экологиялық талаптарды орындамаған 16 субъект әкімшілік жауапкершілікке тартылды.
Сондай-ақ 31,8 мың гектар жерден көтерілген шаң Атырауға қауіп төндіріп отырғанын жаздық. Соңғы жылдары мұндай жағдай жиілеп кетті. Шаңның негізгі көзі – өсімдік жамылғысы сиреген, тұзданған және ұсақ дисперсті гипс араласқан құрғақ жер.