Тиісті Жарлыққа Президент Қасым-Жомарт Тоқаев қол қойды.
— Ерлан Құдайбергенұлы Ақкенженов Қазақстан Республикасының Энергетика министрі лауазымына тағайындалсын, — делінген құжатта.
Ерлан Ақкенженов 1979 жылы Алматы қаласында дүниеге келген.
«Әділет» жоғары құқық мектебін, «Астана» университетін бітірген.
2002–2004 жылдары — «Қазмұнайгаз» сауда үйі» ЖШС Мұнай және мұнай өнімдерін экспорттау департаментінің бас маманы, бас менеджері, директоры.
2004–2006 жылдары — «Chevron Texaco Global Trading» шикі мұнай трейдері, Сингапур қаласындағы «KazMunaiGaz Singapore» директоры.
2006–2008 жылдары — «Қазмұнайгаз» сауда үйі» АҚ Мұнай және мұнай өнімдерін экспорттау департаментінің директоры.
2008–2010 жылдары — «Қазақойл Ақтөбе» ЖШС коммерциялық директоры.
2011–2012 жылдары — «ҚазМұнайГаз өнімдері» АҚ бас директорының кеңесшісі, «ҚазМұнайГаз Қайта өңдеу және маркетинг» АҚ Мұнай және мұнай өнімдерін экспорттау департаментінің директоры.
2013–2014 жылдары — Rompetrol Bulgaria бас директордың орынбасары, бас директоры, Болгария.
2015–2016 жылдары — KMG International (Rompetrol) мұнай және мұнай өнімдері трейдингі жөніндегі бас директор, бөлшек сауда жөніндегі бас директор, бас директордың кеңесшісі, Румыния.
2016–2020 жылдары — мұнай және мұнай өнімдерін өңдеу және тасымалдаумен байланысты жеке құрылымдарда жұмыс істеді.
2022–2023 жылдары — «ҚазМұнайГаз» ҰК АҚ мұнай өнімдері маркетингі басқармасының басшысы.
2023–2025 жылдары — ҚР энергетика вице-министрі.
2025 жылғы 19 наурызда ҚР энергетика министрі болып, ал 2026 жылғы 3 қыркүйекте бұл қызметке қайта тағайындалды.
Еске салайық, бұған дейін Дәурен Қосанов Қорғаныс министрі, Ержан Сәденов Ішкі істер министрі, Ғалымжан Қойшыбаев Премьер-министрдің орынбасары — Үкімет Аппаратының басшысы, Серік Жұманғарин Премьер-министрдің орынбасары — Ұлттық экономика министрі, Жаслан Мәдиев Жасанды интеллект және цифрлық даму министрі, Нұрлыбек Нәлібаев Премьер-министрдің бірінші орынбасары, Қанат Бозымбаев Премьер-министрдің орынбасары, Мәди Такиев Қаржы министрі, Нұрлан Сауранбаев Көлік министрі, Ерлан Сәрсембаев Әділет министрі, Мұрат Мұханов Төтенше жағдайлар министрі лауазымына тағайындалғанын хабарлағанбыз.