АСТАНА. KAZINFORM — Қазақстан ұлттық құрамасының мүшесі Жібек Құламбаева жұптық сында Маспаломас (Испания, Гран-Канария аралы) ITF W100 турнирінің жартылай финалына шықты.
Жарыстың 2-ракеткасы болып тіркелген қазақстандық теннисші чехиялық Анна Шишковамен бірге ширек финалда нидерландылық Деми Тран — франциялық Наийи Берекоэчэамен шеберлік байқасты.
Қазақстандық-чехиялық дуэт аса қиналмастан, 6:3, 6:2 есебімен жеңіске жетті.
Бәсеке 1 сағат 8 минутқа созылды.
Жібек Құламбаева — Анна Шишкова финалға шығу үшін португалиялықтар Франциска Жорже — Матильда Жоржемен шеберлік таластырады.
Еске сала кетейік, бұдан бұрын Жібек Құламбаеваның әлемдк рейтингіде жұптық сында 115-орынға көтерілгенін жазған едік.
Сондай-ақ Жібек Құламбаева Испаниядағы турнирдің ширек финалына шықты.
Тимофей Скатов Сан-Марино турнирінің ширек финалына өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).