Алматыдан 609 км қашықтықта жер сілкінді

АСТАНА. ҚазАқпарат - ҚР Төтенше жағдайлар министрлігіне қарасты «Сейсмологиялық тәжірибелік-әдістемелік экспедициясы» мемлекеттік мекемесінің сейсмикалық стансалар желісі бүгін Алматы уақытымен 8 сағат 17.24-те жер сілкінісін тіркеді, деп хабарлайды ҚазАқпарат.

Тербеліс ошағы Алматы қаласынан оңтүстік-батысқа қарай 609 шақырым жерде, Тәжікстан аумағында орналасты.

Жер сілкінісінің энергетикалық санаты – 11,1.

MPV магнитудасы - 4,9.

Тереңдігі – 15 км.

MSK-64 бағаны бойынша сезілу туралы ақпарат түспеген.

Еске салайық, бүгін Қазақстанның сейсмикалық стансалары бірнеше жер сілкінісін тіркеді. Оның ішінде Тәжікстан аумағында 7 балл қуатымен болған жерасты дүмпуі Алматы мен Шымкент қалаларында сезілді. Көп ұзамай Тәжікстанда 5,6 магнитудасымен тербеліс қайталанды. Түстен кейін елде тағы жер сілкінді. Тәжікстанның ұлттық ақпарат агенттігі «Ховар»-дың мәліметінше, таңғы жер сілкінісінен кейін 5 афтершок тіркелген.

Бүгін жерасты дүмпуі Қазақстан аумағында да болды. Магнитудасы – 4,1.

Сондай-ақ бүгін таңертең Өзбекстан мен Қырғызстанда 4 балдық жер сілкінісі тіркелді.

Фото: static.vkurse.kz