АСТАНА. ҚазАқпарат – Иорданияның Амман қаласында бокстан өтіп жатқан Азия чемпионатында Римма Волосенко жартылай финалға шыға алмады, деп хабарлайды ҚазАқпарат тілшісі.
Өткен жылғы Азия чемпионы Р.Волосенко 60 келіге дейінгі салмақта моңғолиялық Номин-Эрдене Тугсжаргамен қолғап түйістірді.
Қызу өткен жекпе-жек барысында боксшылар ескерту де алды. Р.Волосенко қарсыласын екі рет нокдаунға түсірді. Қазылар 3:2 есебімен жеңісті моңғолиялық спортшыға берді.
Бұдан бұрын Қазақстан қоржынына сегіз медаль түскен еді. Жексенбі күні оған алты жүлде қосылды. Бұл медальдар алтын, күміс не қола бола ма, оны алдағы жекпе-жектер көрсетеді.
Еске сала кетейік, бұдан бұрын бокстан Азия чемпионатында Қазақстан қоржынына сегізінші медаль түскенін жазған болатынбыз.
Азия чемпионатында қазақстандық жеті боксшының сынға түсетіні хабарланды.
Азия чемпионатында Махмуд Сабырхан мен Серік Теміржанов жүлде алды.
Бұған дейін тағы бір қазақстандық боксшы жүлдеге ілікті.
Сондай-ақ, Санжар Тәшкенбай жүлдегерлер сапына қосылды.
Дулат Бекбауов жартылай финалға шықты, ал Алуа Балқыбекова жартылай финалға өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).