АСТАНА. ҚазАқпарат – Иордания астанасы Амман қаласында бокстан өтіп жатқан Азия чемпионатында Дариға Шәкімова қола жүлдеге ие болды, деп хабарлайды ҚазАқпарат тілшісі.
Рио олимпиадасының қола жүлдегері, Азия чемпионы Д.Шәкімова 70 келіге дейінгі салмақта тайбэйлік Чень Ньень Чиньмен шеберлік байқасты.
Бірінші раундта Дариға басымдылық танытты. Төрешілердің есебінше, екіншісінде тайбэйлік спортшы есе қайырды. Ақыры жеңіс тайбэйлік боксшыға бұйырды – 4:1.
Осылайша, Дариға Шәкімова Азия чемпионатынан қола жүлдемен қайтатын болды.
Еске сала кетейік, бұдан бұрын Азия чемпионатында бүгін тоғыз қазақстандық боксшының финалға шығу үшін таласатынын жазған болатынбыз.
Сондай-ақ Назым Қызайбай Азия чемпионатының қола жүлдегері атанды.
Жайна Шекербекова Азия чемпионатының финалына шықты.
Мәдина Нұршаева Азия чемпионатында «қоланы» қанағат тұтты.
Азия чемпионатында Қазақстан қоржынына тағы бір «қола» түсті.
Алуа Балқыбекова Азия чемпионатының финалына шықты.
Жазира Орақбаева Азия чемпионатының қола жүлдегері атанды.
Карина Ибрагимова әлем чемпионын ұтып, финалға шықты.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).