Футболдан соңғы ӘЧ қос жүлдегері бар F тобында кім үздік атанады
F тобы
Бельгия, Канада, Марокко, Хорватия
Бельгия
Соңғы 8-10 жылда көптеген ірі турнирлерде Бельгия бас жүлдеден үміткер ретінде саналады. Оған басты себеп - құрамада жұлдызды ойыншылардың көптігі. Десе де уақыт өтіп жатыр. Кевин Де Брейне, Тибо Куртуа және Эден Азар секілді футболшылар 30 жастан асып кетті. Катардағы әлем чемпионаты атақты жұлдыздардың жеңіске жетуге соңғы мүмкіндігі болуы да ғажап емес.
Роберто Мартинес шәкірттері үшін олардың жасы басты проблема болса керек-ті. Сондықтан олар жасыл алаң төрінде жарқылдап көзге түсе ала ма деген сауал туындайды.
Әрине, тәжірибе көп маңызға ие. Оларды әлем чемпионатының басты фавориті қатарына ешкім қоспайды. Алайда, Бельгия құрамасы финалға дейін жетіп жатса, ешкім таңғала қоймайды.
Бас бапкер – Роберто Мартинес
Қақпашылар: Кун Кастельс («Вольфсбург», Германия), Тибо Куртуа («Реал», Испания), Симон Миньоле («Брюгге»).
Қорғаушылар: Тоби Алдервейрелд («Антверпен»), Зено Дебаст («Андерлехт»), Ян Вертонген («Андерлехт»), Леандер Дендонкер («Астон Вилла», Англия), Ваут Фас («Лестер», Англия), Тимоти Кастань («Лестер», Англия), Артюр Теате («Ренн», Франция), Тома Менье («Боруссия» Дортмунд, Германия).
Жартылай қорғаушылар: Янник Феррейра Карраско («Атлетико», Испания), Аксель Витцель («Атлетико», Испания), Торган Азар («Боруссия» Дортмунд, Германия), Кевин де Брюйне («Манчестер Сити», Англия), Амаду Онана («Эвертон», Англия), Юри Тилеманс («Лестер», Англия), Шарль де Кетеларе («Милан», Италия), Жереми Доку («Ренн», Франция), Эден Азар («Реал», Испания), Леандро Троссард («Брайтон энд Хоув Альбион», Англия), Ханс Ванакен («Брюгге»).
Шабуылшылар: Миши Батшуайи («Фенербахче», Түркия), Ромелу Лукаку («Интер», Италия), Дрис Мертенс («Галатасарай», Түркия), Лои Опенда («Ланс», Франция).
Канада
Бұған дейін Канада құрамасы әлем чемпионатының финалдық сатысында бір мәрте бақ сынады. 1986 жылғы доп додасында канадалық футболшылар барлық кездесуінде қарсыластарына есе жіберді. Бірде-бір гол соға алған жоқ. Ендігі мақсат – әлем чемпионатындағы алғашқы жеңіске жету, гол соғу. «Бавария» қорғаушысы Альфонсо Дэвис пен «Лилль» шабуышысы Джонатан Дэвид соған үлкен үлес қосады деген сенім бар. Бұл - Канада үшін тарихи оқиға болары анық.
Канада құрамасы жанкүйер көңілінен шығуға тырысады. Алайда, олар үшін әзірге плей-офф сатысына шығу қиындау секілді.
Бас бапкер – Джон Гердман
Қақпашылар: Джеймс Пантемис («Монреаль Импакт»), Милан Борян («Црвена Звезда», Сербия), Дэйн Сент-Клэр («Миннесота Юнайтед», АҚШ).
Қорғаушылар: Сэм Адекугбе («Хатайспор», Түркия), Джоэл Уотермэн («Монреаль Импакт»), Алистер Джонстон («Монреаль Импакт»), Ричи Ларейя («Торонто»), Камал Миллер («Монреаль Импакт»), Стивен Витория («Шавеш», Португалия), Дерек Корнелиус («Панэтоликос», Грекия).
Жартылай қорғаушылар: Лиэм Фрэйзер («Дейнзе», Бельгия), Исмаэль Коне («Монреаль Импакт»), Марк-Энтони Кей («Торонто»), Дэвид Уозерспун («Сент-Джонстон», Шотландия), Джонатан Осорио («Торонто»), Атиба Хатчинсон («Бешикташ», Түркия), Стивен Эуштакиу («Порту», Португалия), Самюэль Пьет («Монреаль Импакт»).
Шабуылшылар: Лиэм Миллар («Базель», Швейцария), Лукас Каваллини («Ванкувер Уайткэпс»), Ике Угбо («Труа», Франция), Тейджон Бьюкенен («Брюгге», Бельгия), Джонатан Дэвид («Лилль», Франция), Кайл Ларин («Брюгге», Бельгия), Альфонсо Дэвис («Бавария», Германия), Дэвид Хойлетт («Рединг», Англия).
Марокко
Төрт жыл бұрын әлем чемпионатында Марокко топтық кезеңде Испания және Португалиямен сынға түсіп, жарысты әрі қарай жалғастыра алмаған еді. Биыл олар плей-офф сатысына шыға ала ма? Әзірге жауабы қиындау. Тамыз айында белгілі бапкер Вахид Халилходжич қызметінен кетті. Оны жергілікті маман Валид Реграги алмастырды. Ол жаңа қызметінде құрамамен бірге санаулы ойын өткізді. Сондықтан біліктілігі, тәжірибесі жайында сөз қозғау артық секілді.
Марокко футболының жұлдызы Хаким Зиеш ұлттық құрама сапына қайта оралды. Вахид Халилходжичпен сөзге келіп қалған ол енді жасыл алаң төрінде қаншалықты деңгейде жарқырай алады? «Челси» командасының жартылай қорғаушысы биылғы маусымда аз ойын өткізді. Тіпті, ешқандай гол да соққан жоқ. Бұл құрамадағы ойынына да әсер етуі мүмкін.
Бас бапкер – Валид Реграги
Қақпашылар: Ахмед Таньяути («Видад»), Яссин Буну («Севилья», Испания), Мунир Эль-Кажуи («Аль-Вахда», БАӘ).
Қорғаушылар: Ашраф Хакими (ПСЖ, Франция), Нуссаир Мазрауи («Бавария», Германия), Найеф Агерд («Вест Хэм», Англия), Ромен Саисс («Бешикташ», Түркия), Ашраф Дари («Брест», Франция), Джавад Эль-Ямик («Вальядолид», Испания), Яхья Аттийят-алла («Видад»), Бадр Банун («Катар», Катар).
Жартылай қорғаушылар: Софьян Амрабат («Фиорентина», Италия), Абдельхамид Сабири («Сампдория», Италия), Селим Амалла («Стандард», Бельгия), Аззедин Унаи («Анже», Франция), Софьян Буфаль («Анже», Франция), Биляль Эль-Ханнус («Генк», Бельгия), Яхья Жабран («Видад»), Хаким Зиеш («Челси», Англия), Амин Харит («Марсель», Франция).
Шабуылшылар: Абде Эззальзули («Осасуна», Испания), Закария Абухляль («Тулуза», Франция), Ильяс Шаир («Куинз Парк Рейнджерс», Англия), Юссеф Эн-Несири («Севилья», Испания), Валид Шеддира («Бари», Италия), Абдерразак Амдалла («Аль-Иттихад», Сауд Арабиясы).
Хорватия
2018 жылғы әлем чемпионатында Хорватия финалға дейін жетіп, еліне күміс медальмен оралды. Одан кейін құрамаға жаңадан ойыншылар қосылды. Доп додасына дайындығы да жаман емес. Златко Далич шәкірттері Ұлттар лигасында өз тобында бірінші орын алды. Лука Модрич әрдайым шабуылға дем береді. Ал әмбебап ойыншы Иван Перишич қорғаныста да, шабуыл шебінде де кез келген орында ойнай алады. Марсело Брозович пен Матео Ковачич алаң ортасын ешкімге бере қоймас.
Хорватия құрамасында топтық кезеңнен сүрінбей өтуге зор мүмкіндік бар. Ал жарыстың қай сатысына дейін жетуін ешкім тап басып айта алмайды.
Бас бапкер – Златко Далич
Қақпашылар: Доминик Ливакович («Динамо» Загреб), Ивица Ивушич («Осиек»), Иво Грбич («Атлетико», Испания).
Қорғаушылар: Йошко Гвардиол («РБ Лейпциг», Германия), Деян Ловрен («Зенит», Ресей), Борна Соса («Штутгарт», Германия), Йосип Юранович («Селтик», Шотландия), Иосиф Шутало («Динамо» Загреб), Домагой Вида (АЕК Афины, Грекия), Мартин Эрлик («Сассуоло», Италия), Йосип Станишич («Бавария», Германия), Борна Барышич («Рейнджерс», Шотландия).
Жартылай қорғаушылар: Лука Модрич («Реал», Испания), Марсело Брозович («Интер», Италия), Матео Ковачич («Челси», Англия), Марио Пашалич («Аталанта», Италия), Ловро Маджер («Ренн», Франция), Никола Влашич («Торино», Италия), Лука Сучич («Зальцбург», Австрия), Кристиан Якич («Айнтрахт» Франкфурт, Германия).
Шабуылшылар: Иван Перишич («Тоттенхэм», Англия), Бруно Петкович («Динамо» Загреб), Андрей Крамарич («Хоффенхайм», Германия), Анте Будимир («Осасуна», Испания), Марко Ливая («Хайдук»), Мислав Оршич («Динамо» Загреб).
F тбоының ойын кестесі
23 қараша
Марокко - Хорватия
Бельгия - Канада
27 қараша
Бельгия - Марокко
Хорватия - Канада
1 желтоқсан
Хорватия - Бельгия
Канада - Марокко
Мына материалдарға көз сала кетіңіз:
А тобындағы құрамалар жайлы мына жерде
В тобындағы құрамалар жайлы мына жерде
С тобындағы құрамалар жайлы мына жерде
D тобындағы құрамалар жайлы мына жерде
Е тобындағы құрамалар мына жерде
Фото: Getty Images